LINKS: Die besonder groot plaashuis op die grootste Oldewage-plaas digby Barver, te wete Oldewage 2. Die plaas het 'n roemryke geskiedenis wat eeue terugstrek. Die huidige eienaars van Oldewage 2 is Fritz en sy vrou Monika Oldewage. Fritz het die huis 'n aantal jare gelede laat restoureer en moderniseer.

LINKS: Die Afrikaanse kortverhaalskryfster Babs Redelinghuys (gebore Olwagen) in 1966 tydens 'n familiesaamtrek afgeneem op die plaas Oldewage 1. Benewens die plase Oldewage 1 en Oldewage 2, is daar ook nog Oldewage 46. Die nommers is in die ou dae toegeken -- grond met die laagste nommers was glo die naaste aan die kerk.

ONDER: Barver is so 'n klein dorpie in die Noordwes-Duitse platteland dat dit op baie landkaarte glad nie eens aangedui word nie. Dit lê suid van die stad Bremen en net wes van die dorp Diepholz in Nedersakse. Die Oldewage-plase vorm 'n soort "voordorp" van Barver. Daar word hier onder meer met aartappels en varke geboer.
 

BO: Die Lutherse kerkie op Barver, wat in die laaste kwarteeu van die 1700's daar gebou is - net sowat vyf jaar nadat Detlef Christian Olwage van Barver af vertrek het om hom by die Verenigde Nederlandse Oos-Indiese Kompanjie aan te sluit en Suid-Afrika sy nuwe vaderland te maak.