Beskrywing van die bostaande
skematiese voorstelling
Die Afrikaanse Baptiste Kerke kom
jaarliks bymekaar vir ‘n Algemene Kerkvergadering waartydens
sake van gemeenskaplike belang bespreek en besluite oor geneem
word. Elke jaar word ‘n Uitvoerende Komitee verkies wat onder
die voorsitterskap van die President tussen jaarvergaderings die
belange van die denominasie hanteer. Verskillende rade lewer
diens en gee leiding aan gemeentes en doen bepaalde werk wat die
plaaslike gemeente in staat stel om effektief sy missie te
vervul.
Die onderstaande bespreking toon die rade se spesifieke
verantwoordelikhede:
Die Raad vir Christelike Opvoeding
Die raad bestaan uit persone wat die
volgende portefeuljes beklee:
Gesin-Sondagskool -
Leiding aan gemeentes ten opsigte van die bevordering van
Sondagskoolonderrig in die algemeen; opleiding van
Sondagskoolpersoneel; reël van kampe vir studente van die
Sondagskool.
Jeug - Leiding aan
gemeentes ten opsigte van die bevordering van Jeugwerk in die
algemeen; opleiding van Jeugleiers; reël van kampe vir
jongmense.
Publikasies -
Aanmoediging van persone om Baptiste literatuur te skryf; Skryf
van Sondagskoollesmateriaal; vertaling en publikasie van nuttige
Baptiste studiemateriaal; Bestuur van die Kerkblad, die Baptiste
Beeld.
Argief en Museum -
Verkryging, liassering en stoor van argivalia asook die stoor
van gedenkwaardige artikels.
Die Finansiële Raad
Hierdie raad is verantwoordelik vir
die bestuur van denominasionele finansies.
Die Seminariumraad
Die raad is bestuur die Teologiese Seminarium om die opleiding
van predikante en leke vir bediening in die gemeentes moontlik
te maak.
Die Sendingraad
Hierdie raad bedien die gemeentes ten opsigte van hul
betrokkenheid by sending in die algemeen; Die raad gee steun aan
bepaalde sendelinge.
